Itsasoa gara’ gaiarekin atera ziren eta egun pasa ederra egin zuten
Irain Eskolako familiak, Itsasoa gara lelopean, giro ezin hobean pasa zuten Lesakako Inauteritako astelehena. Karrozaren gibelean herrian barna ibili ziren karrikaz karrika musika eta dantzarekin, egitarau zabala osatuz.
Herriko Etxearen beheitian hamaiketako irekia izan zuten, gero kalejira, geldialdiak eginez Andra Mari zahar etxean, Bittiriko plazan eta herriko plazan, dantza emanaldiekin haur eta guraso, denak elkarrekin. Bazkaria izan zuten eskolako jangelan, Irain Eskolako komunitate osoak. Arratsaldean, berriz, Haurrentzak jolasak Txiribuelta taldearen eskutik. Egun ederra izan zen eta giro ezin hobean joan zen eguna!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.