Lesakako eskuz binakako pilota txapelketaren finalak jokatu dituzte larunbatean

Lesakako Arkupe pilotazale elkarteak bigarren aldiz antolatutako eskuz binakako pilota txapelketako finalak jokatu dituzte martxoaren 1ean, larunbatean goizean Lesakako udal pilotalekuan. Zortzi kategoriatako azken partidak jokatu dituzte.

Benjaminak neskak

Goizueta eta Hita (Arkupe), 14 – Iratzoki eta Muñoa (Arkupe), 18

Iratzoki eta Muñoa txapeldunak, Argiñe Ordoki zinegotziarekin.

Benjaminak mutikoak

Irurieta eta Hita (Arkupe), 16 – Olaizola eta Goizueta (Umore Ona), 18

Olaizola eta Goizueta txapeldun mutikoen benjamin mailan, Argiñe Ordokirekin.

Alebinak

Elizalde eta Zubieta (Bortziriak), 18 – Urrutia eta Ripa (Txaruta), 3

Elizalde eta Zubieta (Bortziriak) txapeldun alebin mailan, Oihan Etxeberria pilotariarekin.

Neska infantilak

Arruti (Ziotza) eta Landa (Murumendi), 9 – Galardi eta Ziaurritz (Oiarpe), 18

Oiarpeko Galardi eta Ziaurritz txapeldun neska infantilen kategorian, Aimar Olaizolarekin.

Mutiko infantilak

Lizarralde eta Larramendi (Ilunpe), 16 – Igoa eta Lazkanotegi (Bortziriak), 18

Bortziriak taldeko Lazkanotegi eta Igoa txapeldun mutikoen infantil mailan. Ola sagardotegiko Mikel Alzaga pilotari ohiak eman zien saria.

Mutil kadeteak

Paraguayo VII.a (Najerino) eta Anzizar (Erreka), 18 - Etxaniz (Oteiza) eta Alberdi (Lapke), 12

Errekako Anzizar eta Najerinoko Paraguayo VII.a txapeldun kadete mailan, Inaxio Errandonearekin.

Mutil jubenilak

Murua (Intxurre) eta Artetxe (Ilunpe), 18 – Perez (Lapke) eta Beroz (Gazteleku), 6

Murua eta Artetxe, gazte mailako txapeldunak, Aimar Olaizolarekin.

Senior gizonezkoak

Apezetxea (Umore Ona) eta Landa (Oiarpe), 22 - Lizeaga (Mundarro) eta Aranguren (Eple), 13

Senior mailako txapeldunak, Oiarpeko Landa eta Umore Onako Beñat Apezetxea goizuetarra, Santiago Oiartzabal Arkupe pilotazale elkarteko presidentearekin.

Naroa Elizalde gogoan sariak ematerakoan

Sari banaketan izan ziren Santiago Oiartzabal, Lesakako Arkupe pilotazale elkarteko presidentea; Argiñe Ordoki udal zinegotzia; Oihan Etxeberria pilotaria eta Aimar Olaizola eta Inaxio Errandonea pilotari ohiak. Arkupe pilotazale elkarteak gogoan izan zuen berriki hildako Naroa Elizalde pilotari zubietarra eta besarkada estu bat bidali nahi izan zien bere senideei, lagunei eta Ados pilota elkarteko kideei.

Denera 181 bikotek parte hartu dute bigarren edizio honetan. Binakako txapelketa bukatu orduko, Benito Taintaren omenez bigarren aldiz antolatutako lau eta erdiko pilota txapelketari ekinen dio Arkupe pilotazale elkarteak eta sanferminetan jokatuko dituzte finalak.