Zikloa hasteko, ortziralean, otsailaren 14an, Ezkabako ihesari buruzko solasaldia emanen du Fermin Ezkieta historialariak. Hitzordua 19:00etan izanen da Areto Nagusian, eta gaztelaniaz izanen da.
Heldu den ortziralean, otsailaren 21ean, 1938ko maiatzaren 22an Ezkaba mendiko gotorlekutik egindako ihesari buruz ariko dira. Hamaika telebistak ekoitzitako San Cristobalgo ihesa, Europako handiena erreportajea emanen du 19:00etan ikastolako Areto Nagusian.
Areto Nagusian Aire Errea erakusketa ikusteko aukera izanen da martxoaren 15ean, 16an, 22an eta 23an, 17:00etatik 20:00etara. Xabi Erkizia soinu artistaren instalazioa da gerraren zarataren kontzeptuari buruz. Erkiziak Gernikako Bakearen Museoa eta EHUko Memoria Historikoari Buruzko ikerketa taldearekin elkarlanean ondu du erakusketa. Martxoaren 23an, igandea, Aire Errea erakusketara bisita gidatua eginen du Erkiziak berak 19:00etan.
Hurrengo hiru asteburutan, martxoaren 29an eta 30ean, eta apirilaren 5ean, 6an, 12an eta 13an Comète Sareari buruzko erakusketa ikusteko aukera izanen da. 17:00etatik 20:00etara ikusi ahalko da Areto Nagusian.
Apirilaren 6an, igandea, mendi ibilaldi gidatua eginen dute Comète Sareko bideetan barna. Iamotenean elkartuko dira 09:00etan eta Urruñako Bidegain baserritik Xoldokogainera irteera eginen dute.
Comète Sarearekin segituz, apirilaren 11n, ortziralean, 19:00etan bisita gidatua eginen dute Areto Nagusiko erakusketan. Bisitaz gain, solasaldia ere izanen da, eta Comète Sarea laguntzen aritu zen eta Ravensbrückeko kontzentrazio esparruan hil zen Frantxia Halzuet Alzate beratarrari buruz ariko dira bertzeak bertze. Biharamunean, apirilaren 12an, omenaldia eginen diote Frantxia Halzuet Alzateri.