Haizeak indar ikaragarriz jotzen zuenez agudo egin behar izan ziren lanak: Labiagatik pasatu den belaunaldi bakoitzak bere arbola landatu zuen, 51 guztira, eta ondoren talde argazkitxo bat egin zuten. Arbolak babesteko lanak bertze egun baterako utzi behar izan zituzten haizearengatik. Halere, Bastidako borda barrenean prestatu zuten luntxean mokadu bat jateko tartea izan zuen jendeak, herrira itzuli aitzinetik. Joan-etorriak oinez egin zituzten gehienek, eta bidean Ikastolako kontu zaharrak eta berriak aipatzeko tartea izan zuten, baita gelakideekin bazkariren baterako hitzordua jartzeko ere.
Hemendik aitzinera, oihanaren zainketa lanak egiteaz gain, Labiagako hegian landatutako 51 arbolei urtero-urtero zuhaitz gazte bat gehiago gehituko diete Ikastolan hasten diren ikasle berriek.