Lesakako liburutegiak joan den urteko datu estatistikoen berri eman du eta horien artean nabarmendu nahi izan du helduen euskarazko fikziozko liburuen maileguen gorakada, izan ere % 73 igo da (2023ko 112 maileguetatik iazko 194 maileguetara), datuak ditugunetik kopururik handiena, nahiz eta gaztelaniazkoekin alderatuta oraindik aldea handia den».
Bertzela, mailegu guzien kopurua pixka bat jautsi da, ( - % 5a, 2023ko datuak harrigarriak zirelako batez ere: 4.778 mailegu 2023an eta 4.541 2024an); bisita kopurua ere zertxobait guttiago (- % 1,5a, 2023ko 9.136 bisitetatik 2024ko 9.016 bisitetara). Bazkideei dagokienez, herritarren % 55ek bazkide txartela du, 1.482 bazkide denera. Inoizko kopururik handiena da, kontuan hartuz hamar urte lehenago, 2014an, 814 bazkide zirela. Hamarkada honetan, urtero urtero goiti egin du kopuruak.