Artiedak ahotserako moldatu ditu Musikeneko Jazz Master Amaierako errezitaldirako sortutako konposizioak. Musikariaren hitzetan, Miretsiz hausnarketarako gonbidapena da, «irudi baitu gaur egungo eromenaren erdian ezin dugula atsedenerako denborarik hartu».
Mikel Taberna beratarra aritu da hitzak edertzeko lanean, eta diskoaren azaleko irudia, berriz, Juan Garcia Caballero artista jereztarrarena da. Txalupa batean dagoen lagun bat ageri da itsasoaren gainean dagoen ilargiari begira, miresmenez.