Berako Udalak antolatuta, Matzada erreka garbitzeko auzolana egin zuten pasa den larunbatean. Azken haizetearen eraginez, arbolen bat eta hainbat adar ubidean bertan ziren eta horiek erretiratu eta sasiak eta adaxkak garbitu zituzten.
Giro ederrean egin zuten auzolana. Partaideak ez ziren hotzaren beldur izan eta uretan sartuak ibili ziren. Egitekoa gosari batekin akautu zuten.
«Auzolana herrigintzaren parte da, eta herriko bizilagunen kohesioan eta bizikidetzan laguntzen du», nabarmendu du udalak eta eskerrak eman dizkie lanean aritu ziren auzotar denei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.