Lesakako Arkupe pilotazale elkarteak lau eta erdiaren barreneko eskuz banakako pilota txapelketa antolatu du bigarren aldiz, Benito Tainta zenaren oroimenez. Bortz kategoriatan jokatuko dute: 2011 urtetik honat jaiotako neskak, haurrak (2011-2012), mutiko gaztetxoak (2009-2010), mutil gazteak (2007-2008) eta gizonezko nagusiak. Otsailaren 16ra arte eman daiteke izena.
Kategoria bakoitzean 32 pilotari onartuko dituzte gehienez eta kanporaketa moduan jokatuko da. Martxoaren 23an hasita, neskak, haurrak, gaztetxoak eta gazteak igande goizetan ariko dira Lesakako, Sunbillako, Doneztebeko eta Iruritako pilotalekuetan eta gizonezko nagusiak ortzegunetan Lesakako pilotalekuan. Finalak uztailaren 5ean jokatuko dituzte, Lesakako sanferminetan.
Izena otsailaren 16ra bitarte eman daiteke, joseluistainta@gmail.com edo salaae@gmail.com helbide elektronikoetan. Izen-emate orrian telefonoaren zenbakia eta posta elektroniko helbide bat jarri behar da.