2024ko argazki lehiaketako saridunen berri eman du Lesakako Beti Gazte elkarteak. 56 argazkilarik 156 argazki aurkeztu dituzte aurten lehiaketara eta epaimahaia Doneztebeko Mak Iriarte, Elizondoko Ignacio Zaldua eta Gasteizko Lander Arbina argazkilariek osatu dute.
400 euroko lehen saria Jerez de la Fronterako (Kadiz) Francisco Javier Dominguez Garciaren En paz descanse argazkiak lortu du. Aipatzekoa da joan den urtean bigarren saria eskuratu zuela argazkilari andaluziarrak.
Bigarren saria, berriz, 300 eurokoa, Puerto de Saguntoko (Valentzia) David Piqueras Apariciorentzat izan da, Delta del Ebro izenburuko argazkiarengatik.
Kirol gaian berriz, Barañaingo Kike Balenzategui Arbizuk irabazi du saria, Calesas de Marcilla argazkiarekin.
Azkenik, bazkide baten argazkiaren saria Fidel Ordoki Fagoagak irabazi du, Bide Berdea 3 lanarekin. Iaz ere Fidel Ordokik irabazi zuen sari hau.
