Gizonezkoen eta emakumekoen txapelak banatu ondotik, astebeteko atsedenaldia izan dute tiralariek Euskal Herriko 4x4 sokatira txapelketa mistoan eta, orain, txapelketa mistoa (280 kilo) jardunaldi bakarrean jokatuko dute abenduaren 14an Muruetan (Bizkaia). Larunbatean 17:00etan hasiko den txapelketan lehiatuko dira Lesakako Beti Gazte, Badaiotz, Bizindar, Antsoain A eta B, Txantrea eta Ibarra A eta B.
Aurtengo Euskal Herriko launakako sokatira txapelketan, gizonezkoen txapela Beti Gaztek irabazi du eta emakumeena Txantreak (Beti Gazte laugarren izan da). Orain, gizon eta emakumeek nahasian jokoan izanen dute hirugarren eta hondarreko txapela.