1990an Lesakan jaio zen Martxel Rodriguez Etxabide eta Haur eta Lehen Hezkuntza ikasketak Tantirumairu iIkastolan egin eta Berako Labiaga ikastolan bukatu zuen derrigorrezko heziketa. Hori dela eta, «ikastola mugimenduarekin duen lotura sendoak eta euskara eta euskal kulturarekiko baldintzarik gabeko maitasunak, munduko bazter guztietara harrotasunez eramaten dituenak, merezi dute gure aitortzarik handiena», dio Nafarroako Ikastolen Elkarteak.
Gogoratu behar da berriki, Martxel Rodriguez berak eta Jon Lopez madrildarrak zuzentzen duten Led Silhouette konpainiak Radio Nacional de España (RNE) irratiak emandako El Ojo Crítico Saria ere irabazi duela, dantza atalean.
