Aurten bete dira 50 urte Bera ziklo-krosaren munduko hiriburu bihurtu zela, bertan jokatu baitzen munduko txapelketa. Urteurrenaren harira, erakusketa bat antolatzen ari dira Gure Txokoa eta udala eta material bilketa hasi dute.
Ziklo-krosarekin zerikusia duen materiala bildu nahi dute erakusketa batean biltzeko. Horretarako argazkiak, oroigarriak, egunkarietan agertutako albisteak... bildu nahi dituzte. Bihar goizean, ortziralea, Beralandetan izanen dira materiala biltzen, eta bihar agertu ezin duenak, herriko etxean uzten ahalko du. Erakusketa abenduan inauguratuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.