Lesakan feria eguna izanen dute azaroaren 21ean, heldu den ortzegunean. Ohi bezala, pilota jaialdi bikaina antolatu du aurten ere Arkupe pilotazale elkarteak, Lesakako Udalaren eta, oraingoan, Ados Pilota eta Garfe enpresen laguntzarekin. Ortzegunean, 18:00etan hasiko da jaialdia.
Jaialdiko lehen partidan, Ados Pilota elkarteko bi bikote izanen dira aurrez aurre: Oskoz eta Orbegozo, Iturriaga leitzarraren eta Ruiz de Larramendi Mujikaren kontra ariko dira.
Ondotik, Garfeko profesional mailako binakako openaren finalerdia jokatuko dute Pradok eta Arbizuk, Etxebarria II.aren eta Garmendiaren kontra.
Tele Navarra, Tele Bilbao, Tele Dobosti, Tele Rioja, Tele CyL eta Tele Vitoria telebistetan emanen dituzte partidak.