Sorterrian aurkeztu eta ikusgai izan ondotik, Martxel Larraza Indaburu etxalartarraren Xerka fotokazetaritza proiektuaren argazki erakusketa ikusgai izanen da azaroaren 17tik 24ra Lesakako Eskol Ttikin. Euskal landa eremuko LGTBI+ komunitatearen istorioak eta erretratuak biltzen dira erakusketan. Erakusketaren aurkezpena azaroaren 17an, igandean 13:00etan eginen dute Eskol Ttikin, Joseba Olagaraik gidatutako solasaldiarekin.
Ordutegia
Eskol Ttikiko ateak zabalik izanen dira astelehen, astearte, asteazken eta ortzirale arratsaldez, 18:00etatik 20:00etara; larunbatean 12:00etatik 14:00etara eta 18:00etatik 20:00etara eta igandean 12:00etatik 14:00etara. Ortzeguna feria eguna denez, itxita egonen da.
