Lesakako Arkupe pilotazale elkarteak bigarren aldiz antolatu du eskuz binakako Arkupeko pilota txapelketa. Zortzi kategoriatan banatuak ariko dira pilotariak: umeak, kimuak (neskak eta mutilak), haurrak (neskak eta mutilak), mutiko gaztetxoak, mutil gazteak eta senior gizonezkoak.
Izena emateko epea azaroaren 17ra arte dago irekia, joseluistainta@gmail.com edo salaae@gmail.com helbide elektronikoetan. Txapelketa 2025eko urtarrilaren 12an hasiko da eta martxoaren 1ean jokatuko dituzte finalak. Kategoria guztietan lehiaketa irekia izanen da.
Gehienez 32 bikote onartuko dituzte. Umeak eta nesken kategorietan pilota goxoarekin ariko dira, mutiko kimuak eta haurrak pilota mistoarekin eta gaztetxoak, gazteak eta helduak toke pilotekin.