Ortzegunean, hilaren 14an, 'Algoritmoen gobernua' hitzaldia emanen du Marta Peirano teknologia berrietan eta boterean adituak. Solasaldian algoritmoek duten garrantziaz ariko da Peirano, batez ere fokua paratuz nork kontrolatzen duen sistema konputazionala eta horrek zer eragin duen demokrazian, eskubideetan eta eremu publikoan.
Ortziralean, hilaren 15ean, berriz, 'Urrezko aroaren bila. Grand Tourreko bidaiariak' izenekoa emanen du Maria Belmonte itzultzaile eta idazleak. Grand Tourra XVII. mendean hasi zen tradizio kultural gisa, eta, horren arabera, aristokrata gazte baten hezkuntza ez zen osotzat jotzen Antzinaro klasikoko —Italia eta Grezia— leku nabarmenetara bisita egin gabe. Joera horrek sortu zuen kultur mugimenduaz ariko da Belmonte.