San Jose egoitzak pairatutako erasoa salatu du zahar etxearen patronatuak. Urriaren 31ko arratsean eraikinaren garbitokiko leihora arroltzeak jaurti zituzten ezezagun batzuek, leihoko kristalak zikinduz. Leihoa pixka bat irekia zegoenez, barneko pareta ere zikindu zen.
«Ez dakigu zein helbururekin egiten dituen jendeak ekintza hauek, baina uste dugu ez dutela laguntzen gizarte hobe bat eraikitzen», erran dute patronatuko arduradunek. «Egoitzak ezinbertzekoa den zaintza zerbitzua ematen du, eta herriaren babesa hartu izan du etengabe. Gutxiengo marginal bat da eraikitakoa suntsitzen saiatzen dena, baina, gure gaitzespena bertzerik ez dute izanen» gaineratu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.