Lesakako Udalak berriki parke eoliko baten inguruan informazioa jaso du. Herritarrekin honen inguruko informazioa elkarbanatzeko batzarra eginen du urriaren 30ean, asteazkenean 20:00etan hasita, Herriko Etxeko batzar aretoan.
Duela lau urte ere Auzoberri auzoan parke eolikoa egiteko proiektuak bazterrak aztoratu zituen Lesakan. Honen kontra Endara Bizirik plataforma osatu zuten bizilagunek eta hainbat mobilizazio eta informazio bilera egiteaz gain, proiektuaren kontrako 3.433 sinadura aurkeztu zituzten Nafarroako Gobernuko Landa Garapen eta Ingurumen Departamentuan, Ladis Satrustegi alkatearekin eta Jose Luis Etxegarai zinegotziarekin batera.
Orduz geroztik, inguruko hainbat herritan izan da parke eolikoen inguruko mugimenduak, baina Lesakan isilik zegoen afera. Lau urte beranduago, berriz ere parke eoliko baten inguruko informazioa jaso du udalak eta horren inguruak solastatzeko bilduko dira asteazkenean