Lesakako Beti Gazte elkarteak joskintza tailerra antolatu du berriz ere, oraingoan azaroaren 4tik abenduaren 19ra. Kurtso osorako prezioa 15 eurokoa da eta Beti Gazteko bazkideei irekitako ikastaroa da.
Astelehenetan eta ortzegunetan 18:00etatik 20:00etara eta asteartetan 09:30etik 12:00etara eginen dute ikastaroa Beti Gazte elkartearen egoitzan. Izena emateko 697 27 60 36 telefonora deitu behar da (Alaia). Leku mugatuak dira eta bizkor ibili beharko dute interesatuek.
Lehenagoko ikastaroetan egindako lanak Andra Mari Zahar Etxera edo Irungo Harrera Sarera bideratu dituzte, bertzeak bertze.