Gainera, Ibardinera ailegatzen diren turistak herrira erakarri nahi ditu udalak turismo jasangarri baten aldeko apustua eginez, turismoak herrian, gizartean, kontsumoan, kulturan eta ingurumenean duen eragina ikusita.
Bulegoa eraberritzeaz gain, turismo teknikari bat kontratatu nahi dute. Udaberrian egin zuten lehen deialdia, eta hutsik gelditu zenez, udazkenean eginen dute bigarrena. Izangaiek turismo ikasketak izan beharko dituzte, eta helburua diagnostiko eta azterketa batetik abiatuz, herriko turismo plana idaztea izanen da.
Hasiera batean kontratuaren iraupena sei hilabetekoa izanen litzateke. Izangaiek idatzizko proba eta proba praktikoa egin beharko dute, eta merezimenduak ere kontuan hartuko dituzte.