Iruñeko San Juan de Dios ospitaleko psikologo klinikoa da Juan Pedro Arbizu eta esperientzia zabala du bizitzaren azken etapako akonpainamenduan. Solasaldian doluaren prozesua ulertzeko gakoak emanen ditu, eta baita hainbat azalpen ere egoera horretan dauden herritarrak laguntzeko.
Heldu den asteko solasaldiaz gain, urrian, Berako San Jose egoitzako eta Bortzirietako Gizarte Zerbitzuetako Mankomunitateko profesionalek hainbat formakuntza hartuko dituzte doluari buruz. Bai egoitzako eta bai gizarte zerbitzuetako langileek hurbiletik bizitzen dituzte heriotza eta dolua, eta ikastaroan horiek nola kudeatu ikasiko dute.
Azaroaren 9an, aldiz, Berako Udalarekin elkarlanean El jardin de Olivia antzerkia ikusteko aukera izanen da Berako Kultur Etxean.
Udazkenekoak ez dira Irache Fundazioak dolua lantzeko antolatutako ikastaro bakarrak. Izan ere, maiatzean, Igantziko eta Berako jubilotekak doluari buruzko solasaldi bana eman zuten. Bai udaberriko ekintzak eta baita udazkenekoak ere Reinsipira zikloaren barrenean antolatutako ekintzak dira.