Asteburu honetan, Igantziko Biltoki elkarteak antolatutako Igantziko frontenis txapelketen final erdiak jokatuko dituzte: ortzirale arratsaldean helduen mailakoak eta igande arratsaldean gaztetxoen mailakoak. Irabazleek, finalak jokatuko dituzte irailaren 21ean.
Irailaren 13an, ortziralean, helduen txapelketako finalerdiak jokatuko dituzte, 19:00etan hasita: Urko Sainz eta Josu Iturbide, Iñigo Telletxearen eta Mikel Urtxegiren kontra lehen finalerdian eta Enaitz Telletxea eta Igor Antxordoki, Peio Migelenaren eta Jokin Mitxeoren kontra bigarrenean
Irailaren 15ean, igandean, gaztetxoen txapelketako finalerdiak jokatuko dituzte, 17:00etan hasita: Amane Obeso eta Urko Telletxea, Aratz Lakaren eta Alazne Altxuren kontra lehenbizikoan eta Jerai Bazterrika eta Danel Urtxegi, Ander Sarasolaren eta Unax Urtxegiren kontra, bigarrenean.
Irabazleek finalak irailaren 21ean jokatuko dituzte, larunbatean, 11:00etan hasita, bestatako programaren barrenea, aitzineko asteburuko ekitaldi gisa.