Irailaren 6tik 17ra, 10:00etatik 13:30era eta 16:00etatik 18:30era ikusgai den erakusketan hainbat pilota-joko modalitatetako materialak ezagutzeko aukera izanen da, antzinako diziplinetatik hasi eta gaur egunera arte.
Pilota partidak larunbat arratsaldean
Erakusketa honekin loturik, Lesakako frontoian pilota partidak ikusteko aukera ere izanen da irailaren 14an, larunbat arratsaldeko bortzetan hasita, Arkupe pilotazale elkartearen eskutik.
Irailaren 17an Tiburtzio Arraztoaren solasaldia
Erakusketa borobiltzeko, irailaren17an, asteartean 19:00etan, Euskal pilotaren historia zoragarria ezagutu nahi duenak, Tiburtzio Arraztoa adituaren hitzaldia aditzeko aukera izanen du. NAPIKEko kide ez ezik, Tiburtzio Arraztoa Laxoa Elkarteko kide ere bada eta pilotari buruzko hainbat liburu eta gida idatziak ditu. Argiñe Ordoki Urkixo Lesakako Udaleko kirol zinegotziak ere parte hartuko du solasaldian.