Gizonezkoen kategorian Mikel Aramendi nagusitu zen. Bortz kilometro eta 800 metroko distantzia osatzeko 19 minutu eta 55 segundu behar izan zituen. Denbora berean sailkatu zen Aner Aramendi ere. Hirugarren lekuan Hodei Lujanbio goizuetarra sailkatu zen, 20.11ko denbora eginda. Lujanbio izan zen aldi berean lehen beteranoa.
Emakumezkoetan Elena Beristain sailkatu zen lehen postuan 27 minutu eta 6 segunduko denborarekin. Bigarren postua Ainhoa Jauregi sailkatu zen (27.39) eta hirugarren lekuan Joelle Boisaratie (29.30).
Bortzirietako Lasterketa Herrikoien Koparako puntuagarria izan zen Agerrako Krosa. Bortziriak Taldeko Gwendal Larque izan zen gizonezkoetan puntu gehien bildu zituena eta emakumezkoetan Attonkaxkuk taldeko Ainara Mendiburu.