Josu Elberdinek konposatu du abestia, eta Julen Zelaieta beratarrarenak dira hitzak. Abestiak Berako txoko ezagunei eta auzoei egiten die erreferentzia. Fatima Gonzalezek zuzenduko du korua, eta Maria Barredo ariko da pianoa jotzen.
Abesti hori interpretatu ondotik, ohikoa duten gisan, mezan kantatuko dute abesbatzako kideek.
Honatx abestiaren letra, Julen Zelaietak idatzia:
BERA
Altzate eta Bera partean,
erdi etsaiak euren artean,
baketu ziren egun batean,
Eztegarako platanopean.
Barojatarrei omen Itzean,
Legia, firme, kale ertzean,
Burga Plazara ailegatzean,
Bidasorantz so, ezinbertzean.
Erreka hotsak Iturlandetan,
Kanttonberrira, erosketetan,
ta Bidasoa karrikan bertan
ze trafikoa, garai za(ha)rretan!
HERRIAN EDO
MENDI ALDERA,
BAKARRA BAINA
MILA AUKERA,
DENEK DAUKAGU
SENTIPEN BERA:
AI, ZENBAT MAITE
ZAITUGUN BERA!
Herri sarreran dago Agerra,
Zalain ez dugu, soilik bazterra,
Suspelak dauzka eskuin ta_ezkerra,
ta Suspel Ttikik malda ederra
Zubiek maite dute_Illekueta,
Zian, Dornaku alderantz buelta,
parez-pare han, Garaitarreta,
ta Lizuniagan, aunitz “gordeka”.
Kaule, Larungo zaindari fina,
Landagaitatik segi_Ibardina,
Xantelerrekan ze imajina;
urrunean da itsas urdina!
HERRIAN EDO
MENDI ALDERA,...
Mugako_Harriek, xuxen ilara
Ikurrez lepo Santa Barbara,
Berako plazan, berriz, patxada,
ta Lamixenen, Lamirik bada?
Altzaten, Jaun bat dugu mitoa,
Zelaia_ondoko Santokristoa,
San Migel,zubi historikoa,
gudaz zein xarmaz beterikoa.
Hauek, aipatu a(ha)l ditugunak
kale, auzo ta txoko kuttunak
aunitz dira, ez hain ezagunak,
kantuan sartu ez zaizkigunak.
HERRIAN EDO
MENDI ALDERA,...