Zirkua izan zen protagonista ortziralean Beran. Urruñako Arte eta Zirku Eszenaren Akrobazia eskolak antolatuta, Muga Gabe jaialdia egin zuten eta jende aunitz elkartu zen bai ikastaroetan eta baita erakustaldietan ere.
Haurrentzako zein helduentzako tailerrak izan ziren lehenik, akrobaziarena eta clownarena. Bi ikastaroetan jende multzoa bildu zen eta parte hartzaileak gustura gelditu ziren.
Ondotik, Urruñako akrobazia eskolakoek ikuskizuna egin zuten, eta bukatzeko A tope konpainiaren ikuskizuna izan zen.
Parte hartzaileak zein antolatzaileak gustura gelditu ziren ikusitakoarekin eta ikasitakoarekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.