Duela urte batzuk berreskuratu zutenetik beratar aunitzentzat bestetako ezinbertzeko ekitaldi bihurtu da herri danborrada. Aurten ere eginen dute, abuztuaren 5ean, ohikoa baino egun bat beranduago. Izen ematea ireki dute eta uztailaren 22ra arteko epea izanen da, eta Lixoia ostatuan egin beharko da.
Danborradan parte hartzeko 10 euro ordaindu beharko ditu parte hartzaile bakoitzak eta prezio horretan sartuko dira gosaria eta danborra. Apuntatzeko zerrenda Lixoia ostatuan dago. Ekitaldia aitzinera ateratzeko 40 lagunek eman beharko dute izena guttienez.
Horrez gain, antolatzaileek jakinarazi dute danborradako entsegua uztailaren 30ean izanen dela 19:00etan Herriko Etxeko plazan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.