Edozein izurrite motarekin egiten dute lan: intsektuak (liztorrak eta labezomorroak, adibidez), saguen zein arratoien kontrola, pipien aurkako tratamenduak, hegaztien aurkako sistemen muntaketak, Legionellaren kontrako tratamenduak…
Horretarako, «bezero bakoitzaren beharretara egokitzen gara; arazoaren nondik norakoak aztertzen ditugu, izurritea identifikatu, hartu beharreko neurriak zein diren erabaki eta gauzatu. Beti ere, ingurumena errespetatuz eta bezeroari ahalik eta eragozpen guttien sorraraziz».
Horrez gain, «bezeroaren beharrak asetzeko etengabeko formazioan gaude, sortzen diren metodo berriak zein diren ikasiz edota klima aldaketak ekar ditzakeen arazo eta izurrite berriei aurre egiteko trebatuz».