Beran bi tailer eta bi emanaldi eginen dituzte herriko etxeko plazan.
Tailerren kasuan, alde batetik, sei urtetik goitikoentzat akrobazia tailerrak eginen dituzte. Zirkuko hainbat diziplina ikasteko aukera izanen dute: akrobaziak, objektuen gainean oreka… EASAC Urruñako zirku eskolak emanen ditu tailerrak eta 30 minutuko bi txanda eginen dituzte: 17:30etik 18:00etara bat eta 18:00etatik 18:30era bertzea. Bertzetik, clown tailerra eginen dute. Kasu honetan, sei urtetik goitiko haurrentzat eta helduentzat. Berako Uhartean konpainiako Esther Carrizok emanen du, 18:30etik 19:30era.
Tailerretan parte hartzeko aitzinetik lotura honetan eman behar da izena. Argibide gehiago nahi izanez gero, berriz, 948 63 12 22ra deitu edo kultura@bera.eus-era idatzi behar da.
Tailerren ondotik, bi emanaldi eginen dituzte: 20:00etan KA, MI, KA, ME akrobazia ikuskizuna eginen dute Urruñako zirku eskolakoek eta 20:30ean A tope konpainiak Shhh…! Akrobazia ikuskizuna eginen du.
Talo postua ere paratuko dute.