Ados Pilota elkarteko San Fermin torneoko finalaren aitzineko azken jardunaldia jokatuko dute uztailaren 9an, asteartean 17:00etan hasita Lesakako udal pilotalekuan.
Lau eta erdiaren barrenean, finalerdia jokatuko dute Ruiz de Infantek eta Barrokalek. Binakako partidan, Arrietak eta Orbegozok, Aranbururen eta Ruiz de Larramendiren kontra jokatuko dute.
Ondotik, GARFEko gizonezkoek binakako partida jokatuko dute: Retegi Bi eta Merino II.a, Oihan Canabal igantziarraren eta Arbizuren kontra.