Alde batetik, eraikuntzako ofizial profila duten bi langile kontratatuko dituzte aldi baterako herriko oinezkoentzako ibilbideetan irisgarritasuna hobetzeko proiektu batean lanean aritzeko.
Bigarren lan deialdia zerbitzu anitzetako bi langile hartzeko egin dute. Kasu horretan langileak baso suteak prebenitzeko lanetan ariko dira: baso eremuetan belar sastrakak kentzen eta suebakiak sortzeko mantentze lanetan.
Bi deialdietan kontratuaren iraupena sei hilabetekoa izanen da , eta euskara proba, proba teorikoa eta praktikoa egin beharko dituzte aukeratuak izateko. Hautagaiak enplegu-eskatzaile gisa inskribatuak egin beharko dira Nafar Lansareko enplegu eskatzaileen artean.
Bi deialdietarako eskabideak Berako herriko etxeko erregistroan aurkeztu beharko dira deialdian zehazten den dokumentazioarekin batera ekainaren 20a baino lehen.