Espainiako trial kopa irabazi ondotik, Espainiako txapelketa ere irabazi du Uxuri Portu Crespo txirrindulari lesakarrak 9 eta 12 urte arteko nesken kategorian, ekainaren 30ean Cartagenan jokatutako proban nagusitu ondotik. Denboraldi bikaina egiten ari da, beraz, Lesaka Trial taldeko txirrindularia. Xabier Valverde Leiza taldekidea ere kadete mailan lehiatu zen eta bosgarren izan zen bere kategorian.