Aurten podiumetik kanpo gelditu bada ere, egindako probarekin gustura dago Aimar Otxoteko. Berak aipatu digunez, «aurten Euskal Herriko Koparako baliagarria zen proba eta maila handiko korrikalariak ziren, beraz, zail zegoen podiumera igotzea». Orain, uztailean eta abuztuan atseden hartu ondotik, irailean Azkainen jokatzen den Sky Run probarako marka egin du Etxarrin eta «orain proba horretarako apuntatuko naiz eta ea suerte pixko batekin dortsala ematen didaten».
Gogoratu behar da Lesakako mendi lasterketa eta Oiartzungo Intxixu Trail irabazi dituela Aimar Otxotekok.