Foruzaingoak bi gizon atxilotu ditu, bat Lesakan eta bertzea Baztanen, emakumeen kontrako erasoengatik

Emakumeak biktima direla, Nafarroan zazpi gizon atxilotu dituzte asteburu honetan Foruzaingoak jakitera eman duenez. Zazpi atxiloketatik bi eskualdean egin dituzte: bat Lesakan (bikotekide ohiak emakumeari eraso egiteagatik, foruzainen patruilak emakumea osasun zentrora lagundu zuen buruan kolpea zuelako) eta bertze atxiloketa Baztango herri batean egin dute (emakumeari eta alabari eraso egiten saiatzeagatik).