Autobusa eta egun pasa antolatu du Bortziriak Pilota Elkarteak: 08:30ean aterako da autobusa Toki Ona Institutuko aparkalekutik. 10:30ean finalak hasiko dira eta finalen ondotik Doneztebeko Santamaria jatetxera joanen dira han bazkaltzeko. 19:30ean abiatuko da Doneztebetik Berara autobusa.
Izen ematea
Joan nahi dutenek uztailaren 4a baino lehen eman beharko dute izena. Bi modutan egin daiteke: Berako Errekalde ostatuan dagoen zerrendan apuntatuta, edo bertzela, 618 11 95 16 telefonora deituz edo Whatsapp bidez mezua bidaliz. Haurrek 20 euro ordaindu beharko dute eta helduek 40 euro. Prezio horretan dena sartuko da, hau da, autobusa eta bazkaria.
Bortziriak Pilota Elkarteak «Bortzirietako pilotari eta pilotazale guztiei» egin die animatzeko deia.
Pilotariak
Finalean izanen diren pilotariak zein izanen diren ere jakinarazi du Bortziriak Pilota Elkarteak:
- Umeak: MIKEL UGALDE eta GEXAN LIZARDI
- Kimuak: BEÑAT GOÑI eta EÑAUT ZUBIETA
- Haurrak: ERIK IGOA eta JON LAZKANOTEGI