Biharamunean, San Juan Xarren meza eman zen, bertara joateko eta harat-honatak eroso egiteko, Igantziko Udalak doako autobusa paratu zuen. Mezaren ondotik, dantzari koxkorrek beraien saioa eskaini zuten eta, betiko moduan, Biltoki Ttikikoek kantina paratu zuten bokadu goxoa eta tragoxka egiteko, baita tradizionalak diren erroskilak erosteko ere.
Jubilatuek ere ederki gozatu zuten eguna. Meza ondotik Baratzondo elkartean bazkari ederra izan zuten eta gero dantzarako eta kantarako aukera ere izan zuten, bazkalondo musikatua izan baitzuten.