Igantziko Udalak sanmigeletako esku-programaren azala aukeratzeko lehiaketa antolatu du aurtengoan ere. Lanak abuztuaren 9ra bitarte aurkez daitezke. Marrazkiz edo argazkiz eginak aurkezten ahal dira lanak, 27x19 cm-ko neurriarekin. Derrigorrez, Igantzi. Sanmigelak 2024 testua agertu beharko da.
Igantzin sortu edota bertan bizi direnek parte hartzen ahal dute. Lanak aurkezteko epea zabalik dago abuztuaren 9ra arte, honelako lehiaketetan ohikoa den sistema erabiliz (Lana gutun-azal batean sartuta aurkeztu behar da udal bulegoetan, izenburuarekin eta barrenean bertze gutun-azal itxi batean egilearen datuak).
150 euroko saria
Saritutako azalaren egileak 150 euroko saria irabaziko du. Saritutako lana udalaren esku geldituko da eta bertzeak itzuliko dira, baina programan argitaratu ahal izanen dira. Epaimahaia Besta Batzordeko kideek eta herritarrek osatuko dute.