Kanpotik etortzen diren bisitariek eta zonaldeko nahiz Lesakako bizilagunek herriari eta eskualdeari buruzko informazioa eta esku-orriak eskuratzeko aukera izanen dute. Gainera, turismo bulegoarekin batera, bertan dagoen Burdinaren Museoa ere irekita egonen da eta honen sarrera dohainik izanen da. Pedro Lantzen burdinezko artelanak ikusteko aukera izanen dute hemen.
Udako denboraldi honetan, bisitariek hainbat aukera iznen dituzte Lesakako herrigunea eta mendiak ezagutzeko: ginkana turistikoa, TopRutas aplikazioaren bitartez egiten ahal diren herriko eta mendiko ibilbideak, Bizibideko Enduro eta BTT ibilbideak, Bidasoko Bide Berdea, ekitaldiz betetako kultur agenda, etab. Gainera, Sanferminen ondotik, bisita gidatuak ere eskainiko dituzte.