Orain arte kintoak bakoitza bere aldetik elkartzen ziren Arantzan, eta aurten, lehenbiziko aldiz, kinto besta eguna antolatu dute. Larunbat honetan, ekainaren 8an izanen da.
Biharamunean, berriz, ekainaren 9an, Patata Tropikala antzerki taldearen eskutik, Azken Eguzkilorea ikusteko aukera izanen da. Haurrentzako antzerki emanaldia Arantzako Udalak antolatu du eta 18:00etan plazan izanen da.