Programaren azal lehiaketa ere Ramosek berak irabazi du eta gibeleko azalarena Amets Lasa Perezek
Joan den urtean bezala, Lesakako sanferminetako kartel lehiaketa Fred Jose Ramos Lasagak irabazi du, aurtengoan Emakumea lanarekin. 250 euroko sariaz gain, kartel horrek iragarriko ditu aurtengo Lesakako bestak. Programaren azal lehiaketa ere Fred Ramos berak irabazi du, Zapia lanarekin. Honengatik ere 250 euro hartuko ditu eta bere lana besta egitarauaren azalean ikusiko da. Guztira 5 kartel eta 3 azal aurkeztu dituzte lehiaketara.
Azalaren gibeleko aldeko lehiaketara, berriz, herriko ikasleek 112 marrazki aurkeztu zituzten eta Amets Lasa Perezek irabazi du lehen saria, Gora Sanferminak! izeneko lanarekin. Herriko dendetan erabiltzeko 100 euroko erosketa txartelaz gain, bere lana programaren gibeleko azalean argitaratuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.