Merkatu elektrikoa ulertzeko gakoak emanen dira hitzaldian, eta ondotik, etxeko faktura elektrikoa ulertu eta energia aurrezteko eta kontsumo arduratsua egiteko aholkuak emanen dira. Bonu sozialaren abantailez ere informazioa emanen da. Nahi duenak etxeko faktura eraman ahal izanen du, zalantzak argitu eta aholkuak hartzeko.
BixtuBerak bere zereginen artean du herritarrak energia-gaietan kontzientziatzea eta inplikaraztea, bai eta energia oinarrizko eskubidea dela aldarrikatzea ere, enpresa handiekiko mendekotasuna gutituz. Energia-kontsumo arduratsua eta jasangarria sustatzeko bidean antolatu dira tailerrak, eta harreraren arabera, aitzinerago zerbitzua modu iraunkorragoan emateko aukerak aztertuko ditu kooperatibak.