Larunbatean, maiatzaren 25ean, auzolanean aritu ziren Berako Itzea auzoko bizilagunak. Udalak deituta hamabortz bat lagun elkartu ziren eta auzoko zubiak eta erreka inguruak garbitzen aritu ziren gehienbat, eta Itzea etxetik Truneko bordako bidea ere txukundu zuten. Udala pozik agertu da auzotarrek emandako erantzunarekin.
Larunbateko auzolanaren ondotik, bigarren auzolan bat ere deituko dute lanak bukatzeko. Bigarren auzolan horretan zubietako barandak pintatu eta lijatuko dituzte, eta Itzea etxearen parean dagoen lorategitik errekarako bidea berreskuratu nahi dute. Horrez gain, trukeneko bordako garbitegi inguruan herritarrak egoteko bankuak paratu asmo ditu udalak, eta gune hori ere txukunduko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.