Parte hartzeko bi modu proposatu ditu Beti Gaztek: elkartearen Whatsapp-eko difusio taldean alta emana dutenek bidaliko den estekatik formularioa betez edo fisikoki, galdetegia eskuratuz Izarra okindegian, Telletxea estankoan eta Xagu liburu dendan eta osatu ondotik Beti Gazteko buzoian sartuz egin daiteke.
Aurten ere sari ederrak izanen dira irabazle eta parte-hartzaileentzat: lehenbiziko saria, lau lagunentzako otordua Kasinon; bigarren saria Lesakako komertzioetan gastatzeko 100 euroko txartela eta hirugarren saria Otxuneko gazta bat. Parte-hartzaile guztien artean Otxuneko bertze gazta bat zozketatuko dute. Irabazleen artean berdinketa izanez gero, zozketa bidez erabakiko da irabazlea.