Xabi Moratók idatzi eta zuzendutako Fuera de mi casa antzezlana ikusgai izanen da maiatzaren 25ean, larunbatean 19:00etan hasita Lesakako Harriondoa kultur etxean, Kataluniako Bakastei Teatre antzerki taldearen eskutik. Talde honetan ari da Lesakan sortutako Javier Petrirena aktorea. Sarrerak 5 eurotan salgai daude Lesakako udalaren webgunean eta, sarrerarik gelditzen bada, egun berean leihatilan ere salduko dituzte.
Javier Petrirenarekin batera, Joana Torres, Jordi Piqué, Juan Barranco, Sacra Romero eta Jose Portolés izanen dira Harriondoa kultur etxeko oholtza gainean.