VII. Bortzirietako Abesbatza Topaketa maiatzaren 19an eginen dute Lesakan

Ttipi-Ttapa 2024ko mai. 16a, 15:00
Deskargatu Info Ahotsak :
es en fr

Giltzarri eta Kantauri abesbatzako kideak duela bi urte Bretainiara egin zuten txangoan. Bi hauetakoekin batera Caspeko koralekoek kantatuko dute igandean Lesakan.

Giltzarri talde antolatzailearekin batera, Urruñako Kantauri eta Caspeko abesbatzek kantatuko dute igandean 13.00etan hasita Harriondoan

Giltzarri abesbatzak, Lesakako udalaren eta bertze zenbait erakunderen laguntzaz antolatutako  VII. Bortzirietako Abesbatza Topaketa maiatzaren 19an eginen dute, igandean 13:00etan hasita Lesakako Harriondoa kultur etxean. Giltzarri abesbatzarekin batera, Urruñako Kantauri Abesbatza eta Coral Ciudad de Caspe (Zaragoza, Espainia) abesbatza ariko dira kantari.

Maiatzaren 25ean Legazpiko Santikutz abesbatza

Bertzalde, maiatzaren 25ean, larunbatean 20:00etan Legazpiko Santikutz abesbatzak kantatuko du Harriondoa kultur etxeko kaperan. Emanaldi hau ere Giltzarrik antolatu du.

Kultura Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun