Lesakako San Fermin elkarteak ibilaldi arautua antolatu du maiatzaren 18an

Ttipi-Ttapa 2024ko mai. 14a, 15:00

Urteak daramazki San Fermin jubilatuen elkartea ibilaldi arautua antolatzen.

Larunbatean 09:30ean hasiko da izen-ematea eta 10:00etan abiatuko da lehen bikotea
Lesakako San Fermin jubilatuen elkarteak ibilaldi arautua antolatu du maiatzaren 18an. Larunbatean 09:30ean hasita eman daiteke izena eta 10:00etan abiatuko da lehenbiziko bikotea.

Honako ibilbidea osatuko dute parte-hartzaileek: jubilatuen egoitzatik abiatu eta Harriondoa, Sumusa, Kastillobaita, Irubide (errepidez), Matxitenea, Txakaingo zubia eta Txakaingo iturriraino joanen dira, itzuleran ibilbide bera eginez. Ondotik, pintxoa emanen zaie parte-hartzaileei. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun