Irailaren 28an eginen dute Zugarramurdin Herri Haitadaren hirugarren edizioa. 2018an eta 2019an egin zuten Saran eta Ainhoan, eta covidaren pandemiaren ondorioz antolatzeari utzi zioten. Zugarramurdiarrek hartu dute aurten antolaketaren ardura, eta taldeak prestatzeko garaia da orain.
Etxalarren ere hasiak dira prestaketan, eta larunbatean, maiatzaren 11n elkartuko dira 12:30ean Pello Apezetxea Kultur Etxean taldeen osaketa egiteko. Bertan, aurtengo edizioaren berri emanen dute, eta taldeak osatzen ariko dira. Aurreikusi dutenez, 50-60 lagun beharko dira herriko taldea antolatzeko.
Sei herrik parte hartzen dute Herri Haitadan, denak Sararen mugakideak: Bera, Etxalar, Zugarramurdi, Ainhoa, Urdazubi eta Sara bera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.