Eguna hasteko, 10:30ean txupinazoa botako dute. Ondotik, 11:00etan herri kirolen lehiaketa eginen dute gazteen artean, eta 12:00etan Elutxa txaranga ostatuz ostatu ibiliko da. Herri bazkaria 14:00etan izanen da. Txartelak salgai daude 15 euroren truke, Errekalden eta Purienean, eta maiatzaren 10era arte erosten ahalko dira.
Bazkaria bukatu ondotik, 17:00etan jolasak eginen dituzte, eta 19:00etan Elutxa txarangak karrikak girotuko ditu. Eguna borobiltzeko Sukena taldeak 21:00etan kontzertua emanen du eta, ondotik, DJ NLEZZek Gazte Egunari bukaera emanen dio.
Aurten ere parte-hartzaileek mahonezko galtzak eta kamiseta zuria jarri beharko dituzte. Txarangaren poteoa kenduta, gainerako ekitaldiak kiroldegi pareko estalpean eginen dituzte.