Nafarroako disko golf irekiaren laugarren edizioa jokatuko dute asteburuan Igantziko Irrisarri Landeko zelaian, Baxi Basajauna elkarteak antolatuta. Etxeko taldeko jokalariez gain, Lekunberri, Bilbokoak eta mundu osokoak espero dituzte, Espainiakoak ez ezik, AEBkoak, Finlandiakoak, Austriakoak eta Frantziakoak ere. Denera 50 jokalarik eman dute izena Espainiako Koparako baliagarria den hirugarren proba honetan.
Lehiaketa larunbatean 09:30ean abiatuko da, lehen itzuliarekin. Bigarren itzulia larunbatean 15:00etan hasiko da eta hirugarrena eta azkena igandean 09:30ean. Maiatzaren 3an, ortzirale arratsaldean binakako lehiaketa bat ere jokatuko dute.