Maiatzaren 3an, ortziralean 18:00etatik 20:00etara eta maiatzaren 4an, larunbatean 07:00etatik 08:30era dortsalak hartzeko aukera izanen dute Etxalarko III. BTT ibilaldian izena eman duten txirrindulariek. Lizentzien aurkezpena federatuen kasuan bakarrik eginen da.
Maiatzaren 4an, larunbatean 09:00etan emanen zaio hasiera probari. 170 txirrindularik baino gehiagok eman dute izena eta bi ibilbide izanen dituzte aukeran; 32 kilometrokoa 1.300 metroko desnibelarekin edo 25 kilometrokoa 800 metroko desnibelarekin, Etxalarko plazatik abiatuta. Kirolariek ibilbideak bukatzen dituztenean, azkeneko mokadua egiteko aukera izanen dute plazan eta zozketak ere izanen dira.